Þá verður rætt við Víði Reynisson sem segir að hver og einn smiti fleiri út frá sér en áður. Smit sé komið um allt land og finnist í öllum aldurshópum. Einnig fjölgar stöðugt í sýnatöku hjá heilsugæslunni og segist verkefnastjóri skimana ekki vita hversu lengi hægt er að halda ástandið út ef ekki fæst fleira fólk til starfa.

Enn fremur verður rætt við Þorstein Sæmundsson, þingmann Miðflokks, sem fær ekki sæti á lista flokksins fyrir komandi kosningar eftir niðurstöðu úr oddvitakjöri í gær. Hann segist vera keppnismaður að eðlisfari og ósáttur að vissu leyti. Þetta og margt fleira á slaginu 12.