Innlent

Enginn greindist innan­lands á 17. júní

Atli Ísleifsson skrifar
Margir lögðu leið sína í miðborg Reykjavíkur í gær til að fagna þjóðhátíðardeginum 17. júní.
Margir lögðu leið sína í miðborg Reykjavíkur í gær til að fagna þjóðhátíðardeginum 17. júní. Vísir/Berghildur Erla

Enginn greindist með kórónuveiruna innan­lands í gær, á sjálfum þjóðhátíðardeginum.

Þetta kemur fram í uppfærðum tölum á síðunni Covid.is. Síðan er nú uppfærð einungis á mánudögum og fimmtudögum, en þar sem gærdagurinn var rauður dagur var síðan upp í dag, föstudag.

Ekki greindist neinn heldur 16. júní, en þrír greindust innanlands þann 15. júní, líkt og greint var frá á miðvikudag.

Í einangrun eru nú 22, en þeir voru 30 á sunnudag. Í sóttkví er 41, en voru 57 á sunnudag. 1.466 eru í skimunarsóttkví. Einn er nú á sjúkrahúsi vegna Covid-19, sami fjöldi og á sunnudag.

Fimm greindust á landamærum í gær, þar sem einn var með virkt smit í fyrri landamæraskimun, einn mældist með mótefni, en niðurstöðu mótefnamælingar er beðið í tilfelli þriggja.

153.725 eru nú fullbólusettir hér á landi, 52,1 prósent íbúa sextán ára og eldri, og er bólusetning hafin hjá 85.089 til viðbótar, eða 28,8 prósent íbúa sextán ára og eldri. Þá hafa 2,2 prósent fengið Covid-19 og/eða eru með mótefni til staðar.

6.627 hafa nú greinst með kórónuveiruna hér á landi frá upphafi faraldursins í febrúar á síðasta ári. Af þeim sem greinst hafa með COVID-19 á Íslandi eru þrjátíu látin.

Alls var tekið 131 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 2750 sýni tekin á landamærunum eða í seinni landamæraskimun og 743 í svokallaðri sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.