Íslenski boltinn

Sjáð­u draum­a­h­álf­­­leik Eyj­a­­kvenn­a sem end­að­i á eldrauðu spjald­i

Óskar Ófeigur Jónsson skrifar
Eyjakonur fagna sigri á Íslandsmeisturum Breiðabliks í gær.
Eyjakonur fagna sigri á Íslandsmeisturum Breiðabliks í gær. S2 Sport

Breiðablik og Valur töpuðu ekki mörgum stigum í fyrra sumar en í gær tókst hvorugu liðinu að landa þremur stigum þar fóru Íslandsmeistararnir stigalausar upp á land. Gaupi fór yfir þessi óvæntu úrslit í annarri umferð sumarsins.

Eyjakonur unnu í gær einn óvæntasta sigurinn í Pepsi Max deild kvenna í langan tíma þegar liðið vann 4-2 sigur á Íslandsmeisturum Breiðabliks út í Eyjum.

Valskonur fengu tækifæri til að ná þriggja stiga forskoti á Breiðablik en fengu bara eitt stig eftir markalaust jafntefli við Þrótt í Laugardalnum.

Guðjón Guðmundsson, íþróttafréttamaður á Stöð 2, hefur tekið saman frétt um leiki gærkvöldsins í Pepsi Max deild kvenna. Þar má sjá mörkin og viðtöl eftir báða leikina.

Nýju útlendingarnir Delaney Baie Pridham og Viktorija Zaicikova skoruðu báðar tvö mörk í fyrri hálfleik í 4-2 sigri á Breiðabliki á Hásteinsvellinum en Blikakonur fengu á sig samtals þrjú mörk í fimmtán leikjum síðasta sumar.

Þessi draumahálfleikur Eyjakvenna endaði þó á því að Olga Sevcova fékk beint rautt spjald fyrir að slá fyrirliða Blika, Ástu Eir Árnadóttur.

Klippa: Mörkin úr sigri ÍBV á Breiðabliki



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.