Það er til að mynda ekki sami hámarksfjöldi gesta á handboltaleikjum í Kaplakrika, þar sem 372 áhorfendur mega vera, eins og á körfuboltaleik í Njarðvík, þar sem 90 manns mega vera.
Ný reglugerð heilbrigðisráðherra um samkomutakmarkanir vegna kórónuveirufaraldursins tók gildi síðasta miðvikudag. Þar var gefið grænt ljós á 200 manna samkomur, til að mynda á íþróttaleikjum, að uppfylltum ákveðnum skilyrðum.
Helstu skilyrði eru þau að einn metri sé á milli ótengdra aðila, að allir noti andlitsgrímu, og að hver gestur sé skráður til að auðvelda hugsanlega smitrakningu.
Fermetrafjöldinn ræður
Fermetrafjöldinn á áhorfendasvæðum íþróttahúsanna ræður því mestu um hve margir áhorfendur mega vera í hverju húsi. Í Njarðtaksgryfjunni í Njarðvík er áhorfendasvæðið til að mynda 180 fermetrar en það er 745 fermetrar í Kaplakrika. Í Kaplakrika eru tvær stúkur og því geta fleiri en 200 áhorfendur verið þar, eða 372 eins og fyrr segir.
Leyfilegan áhorfendafjölda á handboltaleikjum má sjá hér og leyfilegan fjölda á körfuboltaleikjum má sjá hér.
Næstu leikir og leyfilegur áhorfendafjöldi:
Dominos-deild kvenna:
Miðvikudagur:
- 18.15 Skallagrímur – Breiðablik, Borgarnes (101 áhorfandi)
- 19.15 KR – Fjölnir, DHL-höllin (200)
- 19.15 Snæfell – Valur, Stykkishólmur (70)
- 20.15 Keflavík – Haukar, Blue-höllin (200)
Dominos-deild karla:
Fimmtudagur:
- 18.15 ÍR – Tindastóll, Hertz-hellirinn (100)
- 19.15 Grindavík – Höttur, HS Orku höllin (107)
- 19.15 Keflavík – Þór Akureyri, Blue-höllin (200)
- 20.15 Njarðvík – KR, Njarðtaks-gryfjan (90)
Föstudagur:
- 18.15 Haukar – Þór Þ., Ásvellir (36)*
- 20.15 Stjarnan – Valur, Mathús Garðabæjar höllin (184)
*Þegar greinin var skrifuð hafði hámarksfjöldi á Ásvöllum ekki verið samþykktur. Þangað til að körfuknattleiksdeild Hauka skilar inn gögnum til KKÍ eru 36 áhorfendur leyfðir en ætla má að fleiri verði leyfðir á föstudag.
Olís-deild karla:
Fimmtudagur:
- 19.30 Afturelding – Fram, Varmá (200)
Föstudagur:
- 18.00 FH – Þór Akureyri, Kaplakriki (372)
- 19.00 ÍBV – Haukar, Vestmannaeyjar (171)
- 19.30 Stjarnan – Grótta, TM-höllin (200)
- 19.30 KA – Selfoss, KA-heimilið (142)
- 20.15 ÍR – Valur, Austurberg (200)
Olís-deild kvenna:
Laugardagur:
- 13.30 ÍBV – Fram, Vestmannaeyjar (171)
- 13.30 FH – HK, Kaplakriki (372)
- 15.30 KA/Þór – Haukar, KA-heimilið (142)
- 16.00 Stjarnan – Valur, TM-höllin (200)
