Innlent

Garð­könnu kastað í rúðu á heimili vara­borgar­full­trúa Sjálf­stæðis­flokksins í nótt

Hólmfríður Gísladóttir skrifar
Óvíst er hvort skemmdarverkin sem unnin voru á heimli Ólafs í nótt tengist umræðunni um spellvirki sem beinst hafa gegn stjórnmálaflokkunum.
Óvíst er hvort skemmdarverkin sem unnin voru á heimli Ólafs í nótt tengist umræðunni um spellvirki sem beinst hafa gegn stjórnmálaflokkunum.

Skemmdarverk voru unnin á heimili Ólafs Kr. Guðmundssonar, varaborgarfulltrúa Sjálfstæðisflokksins, í nótt. Þetta staðfesti hann í samtali við Vísi en vildi ekki tjá sig frekar um málið.

Vísir hefur heimildir fyrir því að stórri garðkönnu hafi verið kastað í rúðu á heimili Ólafs í Grafarvogi, með þeim afleiðingum að hún brotnaði.

Lögregla var kölluð til og handtók hún mann í tengslum við málið.

Það er freistandi að draga þá ályktun að skemmdarverkin tengist umræðu um önnur spellvirki á skrifstofum stjórnmálaflokka og skotárás á bifreið borgarstjóra. Hins vegar voru spjöll einnig unnin á að minnsta kosti þremur öðrum heimilium í sömu götu.

Var grilli meðal annars kastað í útihurð og girðing skemmd.

Ólafur blandaðist sjálfur inn í fyrrnefnda umræðu þegar hann tjáði sig um reynslu borgarstjóra á Facebook og sagði: „Byrjaðu á sjálfum þér.... Hér er afleiðing af því sem hampað hefur verið frá svokallaða hruninu 2008. Nú er byltingin komin heim og þú verður bara að taka því Hr. borgarstjóri.“

Ólafur baðst seinna afsökunar á færslunni og sagðist myndu setja sig í samband við borgarstjóra til að ræða við hann persónulega.

Reykjavík Borgarstjórn Lögreglumál Skotið á bíl borgarstjóra Sjálfstæðisflokkurinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið