Tónlist

Föstudagsplaylisti Kocoon

Hjalti Freyr Ragnarsson skrifar
Lagalisti Árna er, eins og Plútó, á danssporbaug um sólu.
Lagalisti Árna er, eins og Plútó, á danssporbaug um sólu. Allan Sigurðsson

Árni Bragi Hjaltason, sem í ófá ár hefur þeytt skífum undir nafninu Kocoon, setti saman lagalista vikunnar. Þar eru dansvænir ryþmar í fyrirrúmi.

Meðfram því að auka álag á dansgólf bæjarins er hann verkefnastjóri á Félagsvísindastofnun Háskóla Íslands.

Hann er jafnframt meðlimur plötusnúðahópsins Plútó, sem halda regluleg klúbbakvöld ásamt því að vera með útvarpsþátt. Sá fór fyrst í loftið árið 2014 og er nú á hveru laugardagskvöldi á Útvarpi 101 frá 20-22.

Lagalistann segir Árni endurspegla smekk sinn þessa dagana. Listinn sé „hingað og þangað“ en með áherslu á það sem þau eru að gera í Plútó; „danstónlist á jaðri sólkerfisins.“

„Playlistinn á vonandi að virka sem ein heild þótt ég sé vanur að mixa hann sjálfur. Spotify verður að duga,“ segir Árni, réttilega óviss um mixhæfni streymisveitunnar sænsku.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.