Brunamálastjóri fylgist grannt með slökkviliðsdeilu

„Við fylgjumst mjög grannt með þróun mála," segir brunamálastjórinn Björn Karlsson um þá harðvítugu deilu slökkviliðsmanna í Árborg við slökkviliðsstjóra og yfirstjórn.

Slökkviliðsmenn sendu frá sér ályktun og yfirlýsingu fyrr í dag þar sem þeir kröfðust afsagnar yfirstjórnar og slökkviliðsstjóra. Þeir sögðu að auki að öryggi íbúa í sveitafélagin væri stefnt í hættu en fimmtán slökkviliðsmenn hafa sagt upp störfum.

Björn segir að Brunamálastofnun taki ekki afstöðu í málinu en munu beita sér eins og þeir geta til þess að finna lausn á vandamálinu.

Spurður hvort þarna sé raunveruleg hætta á ferðum fari svo að allir slökkviliðsmennirnir hætti segir Björn að stofnunin íhlutist ekki í mannaráðningum sveitarfélaga.