Varað við fæðubótarefni

Matvælastofnun varar við fæðubótarefninu Fortodol. Stofnunni barst tilkynning í gegnum evrópskt viðvörunarkerfi um að fæðubótarefnið innihaldi efnið Nimesulid sem er ekki heimilt í fæðubótarefnum og getur verið skaðlegt heilsu.

Í Svíþjóð hafa fjögur alvarleg tilfelli lifrarbilana og þar af eitt dauðsfall verið tengt við notkun Fortodol. Í Noregi hefur eitt dauðsfall og fimm tilfelli lifrarskaða verið tengt við efnið.

Fram kemur í tilkynningu að hægt er að kaupa fæðubótarefnið í gegnum internetið og það hafi einnig verið fáanlegt meðal annars í ýmsum heilsubúðum í Svíþjóð, Noregi og Danmörku.