Sýnir bossann á Twitter

Suður-afríska fyrirsætan Candice Swanepoel er í fríi í Brasilíu sem stendur en hún keypti sér hús þar fyrir stuttu. Þessi Victoria's Secret-engill skellti sér í bikiní í fríinu og stóðst ekki mátið að deila mynd af sér í því á Twitter.

Blessuð sundfötin eru ekki efnismikil og sýna afturenda fyrirsætunnar greinilega. Bikiníið góða var gjöf frá bandaríska sundfatamerkinu Frankies Bikinis og var Candice hæstánægð með glaðninginn.

Það er ekki að ástæðulausu að Candice vill hreiðra um sig í Brasilíu því kærasti hennar til sex ára, Hermann Nicoli, er þaðan.

Candice er sannarlega á uppleið og er á forsíðu nýjasta sundfatasölulista Victoria's Secret.

Þú gætir unnið - vertu með okkur á Facebook.