Kaka ársins er súkkulaðiveisla

Kaka ársins 2008 er sannkölluð súkkulaðiveisla, en það var Jón Karl Stefánsson hjá Bæjarbakaríi í Hafnarfirði sem bar sigur úr býtum í árlegri keppni Landssambands bakarameistara um köku ársins.

Bakarar um land allt skila inn kökum í keppnina, og velur dómnefnd þá sem best þykir sameina þá kosti að vera bragðgóð, falleg og líkleg til að falla sem flestum í geð.

Það eru væntanlega ekki margir sem myndu slá hendinni á móti vinningskökunni þetta árið. Hún er samsett úr súkkulaðibotnum, hnetubotni, hvítri súkkulaðimús með kaffikeim og hjúpuð með hvítu súkkulaði.

Sala á kökunni hefst í félagsmanna Landssambands bakarameistara um næstu helgi, svo sykursætir eiginmenn ættu að geta fjárfest í sætindunum fyrir elskurnar sínar.