30 hreinar hafnir

Aðeins 30 hafnir af 76 hér á landi verða svonefndar hreinar hafnir um næstu mánaðamót, samkvæmt alþjóðlegum staðli um siglingavernd gegn hryðjuverkum. Hinsvegar munu 80 hafnarsvæði falla undir hugtakið en mörg hafnarsvæði geta verið í einni höfn, til dæmis eru níu hafnarsvæði í Reykjavíkurhöfn. Þetta þýðir að fyrir liggur áhættumat og aðgeraðráætlanir sem samþykkt hafa verið á alþjóðavettvangi. Millilandaskip þurfa líka að vera hrein í sama skilningi til að fá að koma inn í þessar hafnir. Öðrum kosti þurfa þau að fá lögreglu og fulltrúa Siglingastofnunar, og ef til vill fleiri aðila sem þessir tveir vilja kalla til, áður en þau fá einskonar heilbrigðisvottorð inn í hreinar hafnir. Þetta mun leiða af sér kostnað og tafir og það sama verður uppí á tengningnum þegar millilandaskip koma til óhreinu hafnanna hér á landi. Það eru hafnir sem taka ekki við nema örfáum skipum á ári þannig að ekki svarar kostnaði að leggja í allar aðgerðir til að fá heilbrigðsisvottorð samkvæmt ISPS staðlinum. Þar þarf því ekki að girða af hafnarsvæði og þær verða öllum opnar eins og hingað til og má þar til dæmis nefna Bakkafjörð. Ef farið er til Eskifjarðar, þar sem mörg skip koma við á ári, þarf að girða hluta hafnarsvæðisins af og jafnvel stækka lokaða svæðið þegar skipin hafa viðkomu. Sagði heimamaður þar á dögunumað það væri hart að þurfa að hætta marnhúta- og koladorginu af uppáhaldsbryggju sinni, í nafni baráttunnar við hryðjuverk austur á Eskifirði.