Á nærbuxunum – aftur

Fótboltastjarnan David Beckham er greinilega orðinn heitasta undirfatafyrirsætan í bransanum – þó knattspyrnukappi sé. Myndir náðust af folanum taka upp nýja auglýsingu fyrir undirföt H&M á götum Beverly Hills.

David vakti verðskuldaða athygli hlaupandi um á nærfötunum en það er leikstjórinn Guy Ritchie sem leikstýrir auglýsingunni.

Auglýsingin verður frumsýnd þann 6. febrúar næstkomandi og mun eflaust gleðja kvenpeninginn.

David sat fyrst fyrir hjá H&M í auglýsingu sem birtist í febrúar árið 2011 en hafði áður líka módelað undirföt fyrir Emporio Armani.

Þú gætir unnið - vertu með okkur á Facebook.