Íslenskur íþróttafræðingur meikar það í Dubai

"Helga Marín hefur verið áberandi i Austurlöndum síðastliðið ár og hefur heldur betur haslað sér völl í Dubai sem heilsu og íþróttafræðingur," segir á vefnum Tíska.is sem fékk að fylgjast með Helgu Bergsteinsdótir í einn dag. Helga hefur komið víða fram í fjölmiðlum í Austurlöndum auk þess hefur hún verið með námskeið fyrir stór fyrirtæki og þekkta einstaklinga í Dubai.



Helga er heilsu- og íþróttafræðingur sem búið hefur í Dubai sl. 13 ár. Þar rekur hún eigið fyrirtæki, Health, Mind and Body (HMB). Helga er menntuð frá Svíðþjóð með BA í sálfræði og BA í iþrótta og næringarfræði.

Hún er einnig NLP master practioner og lifecoach. Helga hefur haldið fjölda námskeiða sem stuðla að bættri heilsu og betri líðan. M.a. námskeið sem fyrirbyggja og veita lausnir gegn sjúkdómum, sjálfseflingarnámskeið, streitu lausnir og aðhaldsnámskeið. Hún kennir einnig næringarfræði og markþjálfun við einkaþjálfunarskóla í Dubai.

Á þeim rúma áratug sem Helga hefur búið í Dubai hefur hún unnið sér sess sem þekktur heilsufræðingur með fjölbreyttu námskeiðahaldi fyrir einstaklinga og fyrirtæki.

Auk þess hefur Helga á undanförnum árum skrifað yfir 100 greinar í 30 mismunandi blöð og tímarit ásamt því að hafa margoft komið fram í sjónvarps- og útvarpsviðtölum í Dubai.

Lesa meira um Helgu hér.