Hyggst áfrýja Kjúklingastrætisdómnum

Friðrik Már Jónsson, sem varð fyrir árás í Kjúklingastræti í Kabúl í Afganistan, laugardaginn 23. október 2004 hyggst áfrýja dómi Héraðsdóms Reykjavíkur sem féll í dag. Friðrik greindist með áfallastreituröskun eftir árásina og krafðist hann miskabóta af íslenska ríkinu. „Það er ekki búið að taka ákvörðun, en það eru allar líkur á því," sagði Friðrik um mögulega áfrýjun.

Friðrik stefndi ríkinu á þeim forsendum að það hefði ekki verið staðið nægilega vel að vörnum og aðbúnaði í verslunarferðinni þar sem tilgangurinn var að kaupa teppi til minja um dvölina í Afganistan.

Friðrik vildi ekki tjá sig um málið í samtali við fréttastofu. Hann sagðist þó gera ráð fyrir að málinu yrði áfrýjað og hann vildi ekki tjá sig um það fyrr en því væri endanlega lokið.