Slökkviliðsdeila: Formaður vill ekki tjá sig

„Ég vil ekki tjá mig um málið því ég er ekki búin að lesa yfirlýsinguna," svarar Framsóknarkonan Margrét K. Erlingsdóttir og formaður Brunavarna Áborgar um harðvítuga deilu slökkviliðsmanna í Árborg við stjórnina og slökkviliðsstjóra. Alls hafa fimmtán slökkviliðsmenn sagt upp störfum og munu þeir láta af störfum nú um næstu mánaðarmót.

Í yfirlýsingu sem slökkviliðsmennirnir sendu frá sér fyrr í dag þá skora þeir á stjórnina og slökkviliðsstjórann að segja af sér. Deilan snýst, samkvæmt ályktun þeirra, um samskiptaörðugleika og trúnaðarbrest.

Brunamálastjórinn Björn Karlsson sagði í viðtali við Vísi fyrr í dag að stofnunin fylgdist náið með gangi mála.