Slökkviliðsmenn í Árborg telja öryggi íbúa í hættu

Slökkviliðsmenn hjá Brunavörnum Árborgar (BÁ) lýsa yfir vantrausti á yfirstjórn Brunavarna Árborgar og slökkviliðstjóra og óska eftir því að þeir segi af sér hið fyrsta.

Þetta kemur fram í ályktun frá slökkviliðsmönnum Brunavarna Árborgar en alls hafa fimmtán sagt upp störfum vegna ágreinings við yfirstjórnina og slökkviliðsstjóra.

Uppsagnirnar taka gildi nú um mánaðarmótin.

Slökkviliðsmennirnir telja að öryggi Árborgar sér stefnt í hættu með viljaleysi yfirstjórnar til þess að koma til móts við slökkviliðsmennina ósáttu.

Slökkviliðsstjórinn, Kristján Einarsson, sagði í fréttum RÚV í gær að nýjir starfsmenn yrðu ráðnir í stað þeirra sem eru að hætta. Hann taldi einnig að öryggi íbúa sveitafélagsins væri ekki stefnt í hættu með þessu framferði.

Yfirlýsingu og ályktun slökkviliðsmanna má lesa í fylgiskjali hér fyrir neðan.