Mannleg mistök voru gerð með ólystuga matarbakkann Snærós Sindradóttir skrifar 8. febrúar 2016 07:00 Þetta er matarbakkinn sem málið snýst um. Forstjóri ISS segir að endabiti hafi ratað í bakkann sem átti ekki að vera þar. Fréttablaðið/Stefán „Við funduðum með forsvarsmönnum ISS og afhentum þeim bréf þar sem við óskum eftir að þeir útlisti frekar hvernig þeir ætla að bregðast við,“ segir Haraldur L. Haraldsson, bæjarstjóri í Hafnarfirði. Fréttablaðið greindi frá því á laugardag að eftir að fyrirtækið ISS hefði tekið við að þjónusta mat til eldri borgara hefði kvörtunum fjölgað. Kona skilaði bakka með ólystugu marglitu kjöti sem hún vissi ekki hvort væri af svíni eða lambi. Hafnafjarðarbær sendi í kjölfarið frá sér tilkynningu þar sem segir að málið sé litið mjög alvarlegum augum. Samkvæmt tilkynningunni fá 55 eldri borgarar í Hafnarfirði mat sendan heim alla daga vikunnar. Í bréfinu til ISS er farið fram á að fyrirtækið útlisti innan tveggja vikna hvaða breytingar verði gerðar til að sporna við mistökum sem þessum á ný.Eldri borgari fékk sent marglitt og uppþornað kjöt. Fréttablaðið/Stefán„Við tókum þetta yfir um áramót og erum að læra á verkefnið. Það sem gerðist í upphafi var að súpurnar þóttu of sterkar og bragðmiklar,“ segir Guðmundur Guðmundsson, forstjóri ISS. Hann segir að fyrirtækið skoði nú leiðir til að bæta framsetningu matarins. „Meðal annars á að skoða annað fyrirkomulag en þessa hefðbundnu einnota frauðplastbakka sem við erum að nota í dag. Eins höfum við skoðað að fá græjur í bílana til að halda matnum betur heitum.“ Guðmundur segir að tekið hafi verið á öllum athugasemdum sem borist hafa. Í þetta skipti hafi verið gerð mistök með þennan tiltekna bakka en fyrirtækinu hafi borist hrós frá viðskiptavinum vegna matarins þann daginn. „Þarna fór endastykki með, sem átti auðvitað alls ekki að fara í bakka. Ég fékk þennan bakka til mín og er alveg sammála því að hann leit alls ekki vel út. Þetta eru bara mannleg mistök og okkur þykir þetta mjög leitt.“Yfirlýsing Hafnafjarðarbæjar í heild sinni:Þjónustan á að vera 100%Hafnarfjarðarbær tekur ábendingum um gæði heimsends matar til eldri borgara í Hafnarfirði mjög alvarlega og mun gera allt til að tryggja að góð þjónusta, góður matur og gott verð fari saman. Bærinn biðst velvirðingar á því sem úrskeiðis hefur farið og þakkar fyrir þær ábendingar og kvartanir sem borist hafa.Í kjölfar fréttar Fréttablaðsins laugardaginn 6. febrúar boðaði Haraldur L. Haraldsson bæjarstjóri Hafnarfjarðar forsvarsmenn ISS samdægurs á fund til að fara yfir framleiðslu, ferla og framreiðslu matar til eldri borgara í Hafnarfirði. Frá því að ISS tók við framleiðslu og heimsendingu á mat hafa nokkrar ábendingar borist bænum varðandi gæði matar og afgreiðslu og hefur verið brugðist við þeim. Sveitarfélagið tekur öllum þessum ábendingum mjög alvarlega enda er það metnaður Hafnarfjarðarbæjar að tryggja að öll þjónusta til eldri borgara sé til fyrirmyndar og sveitarfélaginu til sóma. 55 eldri borgarar í Hafnarfirði fá mat sendan heim alla daga vikunnar, allt árið um kring. Til viðbótar nýta rúmlega 100 eldri borgarar í Hafnarfirði þá þjónustu sem í boði er að Hjallabraut og Sólvangsvegi 1 á degi hverjum. Starfsmenn bæjarins þar senda daglega stöðumat til tengiliðar bæjarins við ISS um gæði matarins og hvað fólki finnst um hann. ISS hefur verið sent bréf þar sem fram kemur að Hafnarfjarðarbær ætlast til þess að fyrirtækið tryggi þá þjónustu sem skilgreind er og gengið er út frá í nýjum þjónustusamningi. Í bréfinu er farið fram á að Hafnarfjarðarbær fái innan tveggja vikna upplýsingar um hvernig fyrirtækið hyggst koma í veg fyrir að mistök af þessu tagi endurtaki sig. Þjónustan var boðin út í lok síðasta árs og var útboðið liður í tímabærum útboðum sveitarfélagsins. Sveitarfélögum ber að taka lægsta tilboði samkvæmt útboðsreglum sveitarfélaga og var það gert í þessu tilviki að teknu tilliti til útboðsskilmála sem tryggja eiga gæði og góða þjónustu. Fyrirtækið ISS var með lægsta tilboðið og tók þjónustuna yfir um áramót. Útboð á þessum þjónustuþætti var eina útboð sveitarfélagsins í útboðsaðgerðum þess sem skilaði hækkun í samningi.„Við lítum mistök af þessu tagi mjög alvarlegum augum og biðjumst velvirðingar á að þau hafi átt sér stað. Metnaður okkar er að veita eldri borgurum í Hafnarfirði 100% þjónustu og göngum við út frá því að þeir aðilar sem við semjum við sinni henni þannig. Við sem sveitarfélag vinnum eftir ákveðnum leikreglum varðandi útboð á þjónustu og ætlumst til þess að þeir skilmálar sem við setjum séu uppfylltir. Framvegis munu starfsmenn bæjarins leggja aukna áherslu á að fylgja heimsendingum á mat til eldri borgara í Hafnarfirði sérstaklega eftir með heimsóknum, samtölum og samtengingu við heimaþjónustu. Við ætlum að tryggja að þessi þjónusta verði til fyrirmyndar“ segir Haraldur L. Haraldsson, bæjarstjóri Hafnarfjarðar.Yfirlýsing ISS í heild sinni: Í tilefni af frétt í Fréttablaðinu í dag og á vísir.is þá vill ISS taka eftirfarandi fram. Við hjá ISS tökum fulla ábyrgð á þeirri þjónustu sem við veitum. Okkur þykir þetta mál mjög leitt. Ég fékk þennan matarbakka sem myndin er af til mín í dag og er sammála því að þessi matarbakki leit ekki vel út. Það sem gerðist var að það fór enda kjötsneið efst í bakkann sem alls ekki átti að fara með. Þetta eru einfaldlega mannleg mistök. Þennan dag fengum við sérstakt hrós fyrir matinn. Bakkamatur er alltaf vandmeðfarinn en við erum búin að afhenda um 4000 skammta frá áramótum og athugasemdir voru nokkrar í byrjun en síðan hefur verið almenn ánægja með matinn. Í dag tóku brosandi og þakklátir viðskiptavinir við matarbökkum sínum og við munum leggja metnað okkar í að vinna þetta af alúð og umhyggju og í fullu samráði við Hafnarfjarðarbæ. Það vantaði t.d. á myndina að bakkanum fylgir grænmetisbakki og það er rangt að ekki séu höfð næringargildi til viðmiðunar, hvítt brauð hefur t.a.m. verið aðeins einu sinni frá áramótum og bökum við öll okkar brauð sjálf. Við berum mikla virðingu fyrir eldri borgurum og erum stolt af því að fá að þjóna þeim í Hafnarfirði og munum leggja metnað okkar í að skila þessu með sóma. Þeir sem vilja kynna sér starfsemi okkar eru alltaf velkomnir í kaffisopa.Með bestu kveðju, Guðmundur Guðmundsson, forstjóri ISS Ísland Tengdar fréttir Orðin kafrjóð af reiði vegna matarbakka eldri borgara Eldri borgarar í Hafnarfirði fá mat sendan frá ISS. Þegar Erna Hannesdóttir heimsótti vinkonu sína og sá ólystugan matarbakkann fékk hún nóg. "Ég gæti alveg grátið," segir Erna en vinkonan er hlédræg og vill alls ekki kvarta. 6. febrúar 2016 07:00 Mest lesið „Það er enginn sem verndar son okkar“ Innlent Hraun mjakast yfir varnargarð Innlent Sveddi sagður með tengsl við ítölsku mafíuna Innlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent Fylgi Höllu Hrundar ekki fast í hendi Innlent Krefjast skýringa á brotthvarfi Maríu Sigrúnar Innlent Tíu kílómetrar eftir af hundrað: Gangan miklu erfiðari en hann óraði fyrir Innlent Mikil gleði þegar Bergur komst í mark Innlent Gefur lítið fyrir útskýringar fréttastjórans Innlent Fleiri fréttir Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Ráðherra reiðubúin að vinna með atvinnuveganefnd að breytingum Vill skipa í ríkisstjórn eftir eigin höfði Halla Hrund mælist með mest fylgi allra frambjóðenda Mikil tíðindi í glænýrri könnun Ástþór sannfærður um að verða sjöundi forsetinn Sjá meira
„Við funduðum með forsvarsmönnum ISS og afhentum þeim bréf þar sem við óskum eftir að þeir útlisti frekar hvernig þeir ætla að bregðast við,“ segir Haraldur L. Haraldsson, bæjarstjóri í Hafnarfirði. Fréttablaðið greindi frá því á laugardag að eftir að fyrirtækið ISS hefði tekið við að þjónusta mat til eldri borgara hefði kvörtunum fjölgað. Kona skilaði bakka með ólystugu marglitu kjöti sem hún vissi ekki hvort væri af svíni eða lambi. Hafnafjarðarbær sendi í kjölfarið frá sér tilkynningu þar sem segir að málið sé litið mjög alvarlegum augum. Samkvæmt tilkynningunni fá 55 eldri borgarar í Hafnarfirði mat sendan heim alla daga vikunnar. Í bréfinu til ISS er farið fram á að fyrirtækið útlisti innan tveggja vikna hvaða breytingar verði gerðar til að sporna við mistökum sem þessum á ný.Eldri borgari fékk sent marglitt og uppþornað kjöt. Fréttablaðið/Stefán„Við tókum þetta yfir um áramót og erum að læra á verkefnið. Það sem gerðist í upphafi var að súpurnar þóttu of sterkar og bragðmiklar,“ segir Guðmundur Guðmundsson, forstjóri ISS. Hann segir að fyrirtækið skoði nú leiðir til að bæta framsetningu matarins. „Meðal annars á að skoða annað fyrirkomulag en þessa hefðbundnu einnota frauðplastbakka sem við erum að nota í dag. Eins höfum við skoðað að fá græjur í bílana til að halda matnum betur heitum.“ Guðmundur segir að tekið hafi verið á öllum athugasemdum sem borist hafa. Í þetta skipti hafi verið gerð mistök með þennan tiltekna bakka en fyrirtækinu hafi borist hrós frá viðskiptavinum vegna matarins þann daginn. „Þarna fór endastykki með, sem átti auðvitað alls ekki að fara í bakka. Ég fékk þennan bakka til mín og er alveg sammála því að hann leit alls ekki vel út. Þetta eru bara mannleg mistök og okkur þykir þetta mjög leitt.“Yfirlýsing Hafnafjarðarbæjar í heild sinni:Þjónustan á að vera 100%Hafnarfjarðarbær tekur ábendingum um gæði heimsends matar til eldri borgara í Hafnarfirði mjög alvarlega og mun gera allt til að tryggja að góð þjónusta, góður matur og gott verð fari saman. Bærinn biðst velvirðingar á því sem úrskeiðis hefur farið og þakkar fyrir þær ábendingar og kvartanir sem borist hafa.Í kjölfar fréttar Fréttablaðsins laugardaginn 6. febrúar boðaði Haraldur L. Haraldsson bæjarstjóri Hafnarfjarðar forsvarsmenn ISS samdægurs á fund til að fara yfir framleiðslu, ferla og framreiðslu matar til eldri borgara í Hafnarfirði. Frá því að ISS tók við framleiðslu og heimsendingu á mat hafa nokkrar ábendingar borist bænum varðandi gæði matar og afgreiðslu og hefur verið brugðist við þeim. Sveitarfélagið tekur öllum þessum ábendingum mjög alvarlega enda er það metnaður Hafnarfjarðarbæjar að tryggja að öll þjónusta til eldri borgara sé til fyrirmyndar og sveitarfélaginu til sóma. 55 eldri borgarar í Hafnarfirði fá mat sendan heim alla daga vikunnar, allt árið um kring. Til viðbótar nýta rúmlega 100 eldri borgarar í Hafnarfirði þá þjónustu sem í boði er að Hjallabraut og Sólvangsvegi 1 á degi hverjum. Starfsmenn bæjarins þar senda daglega stöðumat til tengiliðar bæjarins við ISS um gæði matarins og hvað fólki finnst um hann. ISS hefur verið sent bréf þar sem fram kemur að Hafnarfjarðarbær ætlast til þess að fyrirtækið tryggi þá þjónustu sem skilgreind er og gengið er út frá í nýjum þjónustusamningi. Í bréfinu er farið fram á að Hafnarfjarðarbær fái innan tveggja vikna upplýsingar um hvernig fyrirtækið hyggst koma í veg fyrir að mistök af þessu tagi endurtaki sig. Þjónustan var boðin út í lok síðasta árs og var útboðið liður í tímabærum útboðum sveitarfélagsins. Sveitarfélögum ber að taka lægsta tilboði samkvæmt útboðsreglum sveitarfélaga og var það gert í þessu tilviki að teknu tilliti til útboðsskilmála sem tryggja eiga gæði og góða þjónustu. Fyrirtækið ISS var með lægsta tilboðið og tók þjónustuna yfir um áramót. Útboð á þessum þjónustuþætti var eina útboð sveitarfélagsins í útboðsaðgerðum þess sem skilaði hækkun í samningi.„Við lítum mistök af þessu tagi mjög alvarlegum augum og biðjumst velvirðingar á að þau hafi átt sér stað. Metnaður okkar er að veita eldri borgurum í Hafnarfirði 100% þjónustu og göngum við út frá því að þeir aðilar sem við semjum við sinni henni þannig. Við sem sveitarfélag vinnum eftir ákveðnum leikreglum varðandi útboð á þjónustu og ætlumst til þess að þeir skilmálar sem við setjum séu uppfylltir. Framvegis munu starfsmenn bæjarins leggja aukna áherslu á að fylgja heimsendingum á mat til eldri borgara í Hafnarfirði sérstaklega eftir með heimsóknum, samtölum og samtengingu við heimaþjónustu. Við ætlum að tryggja að þessi þjónusta verði til fyrirmyndar“ segir Haraldur L. Haraldsson, bæjarstjóri Hafnarfjarðar.Yfirlýsing ISS í heild sinni: Í tilefni af frétt í Fréttablaðinu í dag og á vísir.is þá vill ISS taka eftirfarandi fram. Við hjá ISS tökum fulla ábyrgð á þeirri þjónustu sem við veitum. Okkur þykir þetta mál mjög leitt. Ég fékk þennan matarbakka sem myndin er af til mín í dag og er sammála því að þessi matarbakki leit ekki vel út. Það sem gerðist var að það fór enda kjötsneið efst í bakkann sem alls ekki átti að fara með. Þetta eru einfaldlega mannleg mistök. Þennan dag fengum við sérstakt hrós fyrir matinn. Bakkamatur er alltaf vandmeðfarinn en við erum búin að afhenda um 4000 skammta frá áramótum og athugasemdir voru nokkrar í byrjun en síðan hefur verið almenn ánægja með matinn. Í dag tóku brosandi og þakklátir viðskiptavinir við matarbökkum sínum og við munum leggja metnað okkar í að vinna þetta af alúð og umhyggju og í fullu samráði við Hafnarfjarðarbæ. Það vantaði t.d. á myndina að bakkanum fylgir grænmetisbakki og það er rangt að ekki séu höfð næringargildi til viðmiðunar, hvítt brauð hefur t.a.m. verið aðeins einu sinni frá áramótum og bökum við öll okkar brauð sjálf. Við berum mikla virðingu fyrir eldri borgurum og erum stolt af því að fá að þjóna þeim í Hafnarfirði og munum leggja metnað okkar í að skila þessu með sóma. Þeir sem vilja kynna sér starfsemi okkar eru alltaf velkomnir í kaffisopa.Með bestu kveðju, Guðmundur Guðmundsson, forstjóri ISS Ísland
Tengdar fréttir Orðin kafrjóð af reiði vegna matarbakka eldri borgara Eldri borgarar í Hafnarfirði fá mat sendan frá ISS. Þegar Erna Hannesdóttir heimsótti vinkonu sína og sá ólystugan matarbakkann fékk hún nóg. "Ég gæti alveg grátið," segir Erna en vinkonan er hlédræg og vill alls ekki kvarta. 6. febrúar 2016 07:00 Mest lesið „Það er enginn sem verndar son okkar“ Innlent Hraun mjakast yfir varnargarð Innlent Sveddi sagður með tengsl við ítölsku mafíuna Innlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent Fylgi Höllu Hrundar ekki fast í hendi Innlent Krefjast skýringa á brotthvarfi Maríu Sigrúnar Innlent Tíu kílómetrar eftir af hundrað: Gangan miklu erfiðari en hann óraði fyrir Innlent Mikil gleði þegar Bergur komst í mark Innlent Gefur lítið fyrir útskýringar fréttastjórans Innlent Fleiri fréttir Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Ráðherra reiðubúin að vinna með atvinnuveganefnd að breytingum Vill skipa í ríkisstjórn eftir eigin höfði Halla Hrund mælist með mest fylgi allra frambjóðenda Mikil tíðindi í glænýrri könnun Ástþór sannfærður um að verða sjöundi forsetinn Sjá meira
Orðin kafrjóð af reiði vegna matarbakka eldri borgara Eldri borgarar í Hafnarfirði fá mat sendan frá ISS. Þegar Erna Hannesdóttir heimsótti vinkonu sína og sá ólystugan matarbakkann fékk hún nóg. "Ég gæti alveg grátið," segir Erna en vinkonan er hlédræg og vill alls ekki kvarta. 6. febrúar 2016 07:00