Fjölgaði um 93%

93% fleiri farþegar hafa flogið með Iceland Express á árinu 2004 en á sama tíma í fyrra. Frá febrúarlokum árið 2003, til loka október sama ár flutti félagið 111.700 farþega. Á sama tíma á þessu ári, alls átta mánuðum, hefur félagið flutt 215.500 farþega, eða 93% fleiri. Þann 1. apríl á þessu ári hóf Iceland Express að fljúga tvisvar á dag til London og Kaupmannahafnar, þegar ný þota bættist við hjá félaginu. Sú aukning sem orðið hefur á farþegafjöldanum er í samræmi við áætlanir félagsins. Hlutfall erlendra ferðamanna af heildarfjölda farþega Iceland Express það sem af er árinu er um 45%.