Nýr ritstjóri hefur störf

Kári Jónasson hefur hafið störf sem ritstjóri Fréttablaðsins. Tekur hann við af Gunnari Smára Egilssyni sem orðinn er framkvæmdastjóri Norðurljósa. Kári var fréttastjóri Útvarps í 17 ár en starfaði á fréttastofunni í samtals 31 ár. "Ég hlakka til að takast á við þetta nýja starf, hér er mikið af kraftmiklu og góðu fólki sem hefur skipað Fréttablaðinu í röð öflugustu fjölmiðla Íslands. Þetta er víðlesnasta blað landsins og auðvitað fylgir því mikil ábyrgð að vera ritstjóri þess en hér eru miklir möguleikar og framtíðin björt."