Þrátt fyrir að meðlimir The Rolling Stones verði ekki yngri með árunum þá eru þeir enn að gera góða hluti og komust þeir síðast í Heimsmetabók Guinness fyrir best heppnaða tónleikaferðalag sögunnar. Þeir félagar höluðu inn hvorki meira né minna en 437 milljónum Bandaríkjadala á tónleikaferð sinni A Bigger Bang Tour sem skilaði þeim rakleiðis í Heimsmetabókina og eflaust nokkrum dölum í eftirlaunasjóðinn.
Poppdrottningin Madonna komst einnig í bókina þetta árið og hlaut titilinn farsælasti kvenlistamaðurinn en tónleikaferð hennar Confessions halaði inn 200 milljónum dollara.
Heimsmetabók Guinnes er gefin út á hverju ári og kemur nýjasta eintakið út á morgun, föstudag.
