Einhver mesta skógareyðing hérlendis af mannavöldum í uppsiglingu

Græni trefillinn hefur verkefnið verið kallað sem skógræktarfélög höfuðborgarsvæðisins í samvinnu við sveitarfélögin hafa staðið fyrir undanfarna tvö áratugi; að klæða landið umhverfis byggðina skógi.

Áætlað er að fimm til sjö milljónir trjáa hafi verið gróðursettar, einna mest í Hólmsheiði. En nú þegar skógurinn er að rjúka upp og farinn að mynda skjól og notaleg útivistarsvæði fyrir mannfólkið vill borgin að trén víki fyrir byggingarlóðum. Skógrækt ríkisins andmælir og hefur þegar gert formlegar athugasemdir vegna nýs íbúðahverfis Reykjavíkur á Reynisvatnsási. Þar á bæ hafa menn einnig verulegar áhyggjur af áformum borgarinnar um að taka svæði á Hólmsheiði undir atvinnulóðir.

Björn Þorláksson ræddi við skipulagsráðunaut Skógræktar ríkisins, Hallgrím Indriðason, sem segir þetta einhverja mestu skógareyðingu af mannavöldum sem í uppsiglingu sé hérlendis. Hallgrímur segir skipulagsáformim það umfangsmikil að græni trefillinn sé í uppnámi.