Innlent

Hundur með mögu­lega reyk­eitrun eftir elds­voða í bíl

Kristín Ólafsdóttir skrifar
Bifreiðin er ónýt eftir eldsvoðann. Mynd er úr safni.
Bifreiðin er ónýt eftir eldsvoðann. Mynd er úr safni. Vísir/Vilhelm

Slökkvilið höfuðborgarsvæðisins var kallað út ásamt lögreglu þegar eldur kom upp í bíl í Kópavogi á níunda tímanum í gærkvöldi. Ekki urðu slys á fólki en hundur sem var í bifreiðinni var færður til dýralæknis vegna mögulegrar reykeitrunar, að því er fram kemur í dagbók lögreglu.

Bifreiðin er ónýt eftir eldsvoðann. Hún var ekki í gangi þegar eldurinn kom upp.

Þá stöðvaði lögregla nokkra ökumenn í gærkvöldi og í nótt vegna gruns um akstur undir áhrifum og/eða án réttinda. Einn ökumaðurinn sem stöðvaður var í Hlíðunum seint á öðrum tímanum í nótt er auk þess grunaður um vörslu fíkniefna og brot á vopnalögum.

Lögreglu var í tvígang tilkynnt um umferðaróhapp þar sem ekið var á ljósastaur, fyrst á Reykjanesbraut á sjöunda tímanum og síðar í Árbænum á ellefta tímanum. Engin slys urðu á fólki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.