Enski boltinn

„Ef hann er nægilega góður fyrir Bielsa er hann nægilega góður fyrir mig“

Runólfur Trausti Þórhallsson skrifar
Hjörtur Hermannsson gæti verið á leið til Leeds United.
Hjörtur Hermannsson gæti verið á leið til Leeds United. Vísir/Getty

Eins og var greint frá nýverið þá er íslenski landsliðsmaðurinn Hjörtur Hermannsson undir smásjá Leeds United. Eftir 16 ára veru í ensku B-deildinni þá mun liðið loks spila aftur í deild þeirra bestu á næstu leiktíð.

Marcelo Bielsa – þjálfari Leeds – er í guðatölu stuðningsmanna félagsins og virðast þeir treysta honum fyrir lífi sínu. Þar af leiðandi virðast flest allir þeirra nokkuð sáttir ef félagið myndi eyða 2.5 milljónum punda í íslenska varnarmanninn.

Í frétt vefmiðilsins The Boot Room eru tekin saman ýmis tíst frá stuðningsmönnum Leeds um möguleg kaup á Hirti.

„Ef hann er nægilega góður fyrir Bielsa þá er hann nægilega góður fyrir mig,“ segir einn stuðningsmaður liðsins.

„Hef ekki hugmynd hver hann er svo hann mun smella eins og flís við rass og verða goðsögn frekar fljótt,“ segir annar.

Flestir stuðningsmenn liðsins virðast þó reikna með að Hjörtur kæmi inn sem varaskeifa fyrir annað hvort Ben White – sem var á láni frá Brighton & Hove Albion – eða þá Liam Cooper.

Hinn 25 ára gamli Hjörtur lék þrjá leiki með Fylki hér heima áður en hann fór til Hollands. Síðan hefur leiðin legið til Svíþjóðar og Danmerkur en hann er í dag leikmaður Bröndby. Mögulega liggur leiðin næst til Englands en við verðum að bíða og sjá.

Þá á Hjörtur 14 A-landsleiki fyrir Íslands hönd ásamt 59 fyrir yngri landsliðin.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.