Handtakan í Kjósinni send til nefndar um eftirlit með störfum lögreglu

Vésteinn Örn Pétursson skrifar 10. júní 2020 07:02

Ríkislögreglustjóri hefur sent málið til NEL, að eigin frumkvæði. Vísir/Vilhelm

Mál manns sem var handtekinn af sérsveit ríkislögreglustjóra í kjölfar girðingardeilna í Kjós er komið á borð nefndar um eftirlit með störfum lögreglu, NEL. Þetta kemur fram í svari dómsmálaráðherra við fyrirspurn fréttastofu.

Fjallað var um málið í Fréttablaðinu. Þar segir að lögregla hafi fengið tilkynningu um ógnandi tilburði og hættu á að vopnum yrði beitt, og því hafi sérsveitin verið send á vettvang.

Maðurinn sem var handtekinn er á áttræðisaldri, en í umfjöllun Fréttablaðsins kemur meðal annars fram að skammbyssu hafi verið miðað á hann. Hann hafi þá verið handtekinn og færður úr Kjós á lögreglustöðina við Hlemm. Eftir sex tíma dvöl þar og skýrslutöku hafi honum verið sleppt út af stöðinni, peningalausum.

Í svari Áslaugar Örnu Sigurbjörnsdóttur dómsmálaráðherra við fyrirspurn Vísis kemur fram að málið hafi verið sent inn á borð nefndar um eftirlit með störfum lögreglu, NEL, og það hafi verið gert að frumkvæði Ríkislögreglustjóra. Áður hafði verið greint frá því að Áslaug hefði óskað eftir skýringu á handtöku sérsveitarinnar í Kjósinni.

Lögreglan Kjósarhreppur

Tengdar fréttir

Óskar eftir skýringum á framgöngu sérsveitarinnar í útkalli í Kjósinni

Áslaug Arna Sigurbjörnsdóttir dómsmálaráðherra hefur óskað eftir skýringum á handtöku sérsveitar ríkislögreglustjóra á eldri manni í Kjós á sunnudaginn og sagt var frá á forsíðu Fréttablaðsins í gær.

4. júní 2020 14:22

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.