25% eignarhlutur of hár

Þorgerður Katrín Gunnarsdóttir menntamálaráðherra og varaformaður Sjálfstæðisflokksins segir í viðtali við Morgunblaðið að hún telji að 25 prósenta hámark á eignarhlut, eins eða tengdra aðila, í fjölmiðlum sé of hátt. Hún tekur þar með undir orð Geirs H. Haarde, formanns flokksins, sem lýsti þessari sömu skoðun um helgina en á sínum tíma náðist svonefnd þverpólitísk sátt um 25 prósenta markið. Þorgerður telur þó að erfitt verði að breyta niðurstöðunni en það sé skýr vilji Landsfundar Sjálfstæðsiflokksins að eignaraðild að fjölmiðlum verði dreifð.