Hugsar enn um vítið á hverjum morgni

John Terry, fyrirliði Chelsea, segist enn hugsa um vítið sem fór í súginn í úrslitaleik Meistaradeildarinnar á hverjum einasta morgni þegar hann vaknar.

"Þetta er það fyrsta sem kemur upp í hugann þegar ég vakna. Ég hugsa enn um þetta og er enn mjög vonsvikinn," sagði Terry í samtali við Times.

Terry fékk tækifæri til að tryggja Chelsea Evrópubikarinn í vítakeppni gegn Manchester United, en rann á punktinum og misnotaði spyrnuna.

"Það hjálpaði mikið að fá landsleiki strax á eftir úrslitaleiknum í Meistaradeildinni og ég er að vona að nýr knattspyrnustjóri geti leitt okkur á sigurbraut til að skola burt þessum leiðinlegu minningum," sagði Terry.