Eltingarleikur við Vatnabuffalóa endar í árekstri

Skoski stjörnukokkurinn Gordon Ramsey var á dögunum staddur á vatnabuffalóabúgarði í Skotlandi þar sem hann hugðist búa til mozzarellaost úr buffalóamjólk. Atriðið átti að vera hluti af sjónvarpsþætti Ramseys á Channel 4 ,,The F-word"

Ramsey og bóndinn, Steve Mitchell, notuðu sinn hvorn jeppann til að smala dýrunum en ekki vildi betur til en svo að þeir skullu saman. ,,Gordon meiddist ekki, og bíllinn er ekki mikið skemmdur" sagði talskona þáttarins við BBC.

Dýraverndunarsamtökin Peta hafa sakað framleiðendur þáttanna um að beita svona brögðum til að auka áhorf. Í síðasta mánuði sturtuðu samtökin tonni af hrossaskít við inngang veitingastaðar Ramseys til að mótamæla því að kokkurinn hefði eldað hrossakjöt í þætti sínum.