Bill leikur borgarstjóra

Leikarinn Bill Murray hefur tekið að sér aðalhlutverkið í fjölskyldumyndinni City of Ember. Mun hann leika borgarstjórann í ljósaborginni Ember. Leikstjóri myndarinnar, Gil Kenan, sendi síðast frá sér teiknimyndina Monster House, sem var hans fyrsta mynd í fullri lengd.

City of Ember er byggð á bók eftir Jeanne DuPrau og hefjast tökur í Belfast í sumar. Er myndin væntanleg á hvíta tjaldið í október á næsta ári.

Lítið hefur farið fyrir Bill Murray að undanförnu. Á meðal síðustu mynda hans eru Broken Flowers og The Life Aquatic With Steve Zissou.