Anna Nicole borin til hinstu hvílu

Anna Nicole Smith, sem mikið hefur verið fjallað um í fjölmiðlum eftir andlát hennar í byrjun febrúar, hefur loksins fengið sína hinstu hvílu. Fór útförin framí Nassau, höfuðborg Bahamas en mikil öryggisgæsla var við athöfnina.

Var Anna Nicole íklædd bleikum líkklæðum, í kjól og með höfuðdjásn, en hún var greftruð við hlið sonar síns Daniels sem dó á síðasta ári. Kistuberar með bleik bindi báru kistu Önnu Nicole eftir rauðum dregli en kistan hafði bleika ábreiðu, setta gervidementum.

Þrjú hundruð manns voru viðstaddir athöfnina sem fór fram í Mount Horeb Baptista kirkjunni. Fjöldinn allur af eyjaskeggjum og ferðamönnum lagði leið sína að útförinni, en lögreglan gætti vel að öryggi nánustu vandamanna Playboy kanínunnar heitinnar.