Sérstakur saksóknari og efnahagsbrotadeild sameinast 1. september

Frumvarp um sameiningu embættis Sérstaks saksóknara og efnahagsbrotadeildar Ríkislögreglustjóra er enn til meðferðar á Alþingi. Róbert Marshall, formaður allsherjarnefndar, segir að frumvarpið bíði annarar umræðu. Vonast er til að hún geti hafist í næstu viku, en það fer eftir því hvernig gengur að afgreiða sjávarútvegsfrumvörpin í þinginu.

Samkvæmt frumvarpinu stóð til að þessar tvær stofnanir myndu sameinast 1. júní. Róbert Marshall segir að gerðar verði breytingar á frumvarpinu sem feli í sér að sameiningin taki gildi 1. september.