Pétur með partýplötu ársins

Það er kominn föstudagur og Fókus fylgir DV í dag. Í blaðinu er að finna viðtal við pönkrokk hljómsveitina Innvortis, Idol-keppendurnir síðan í fyrra spurðir hvort eitthvað sé varið í keppnina, viðtal við franska dansarann Alexöndru Gilbert og Robbi Chronic stendur fyrir rappveislu á Nasa í kvöld. Einnig er viðtal við tónlistarmanninn Pétur Eyvindsson sem gengur undir nafninu Dj Musician þegar hann spilar. Dj Musician kemur fram ásamt Jóhanni Jóhannssyni og gítarleikaranum Fennesz á tónleikum í KlinK og BanK í kvöld. Tónlistarmaðurinn Pétur Eyvindsson gengur einnig undir nafninu Dj Musician en það er nafnið sem hann notar þegar hann spilar tónlist. Hann er bæði með sólóferil og er í hljómsveitinni Vindva Mei. Gera allt sjálfir "Ég er búinn að vera í tónlist síðan ég var bara patti," segir Pétur. "Annars erum við tveir í Vindva Mei, ég og Rúnar Magnússon. Við erum líka tveir saman með útgáfufyrirtækið White Label. Það er nú kannski ekkert "fyrirtæki" þannig, það eru nú bara eiginlega við. En þetta er nú samt útgáfufyrirtækið okkar. Við höfum verið að gefa út Vindva Mei, Dj Musician og sólóplötur sem Rúnar hefur verið að gera." En Rúnar gerði þrjár sólóplötur sem komu út á einu bretti í september í fyrra. Aukaatriði hvað þetta er kallað. Vindva Mei gaf út plötu 2000 og svo aftur tvær 2003. "Það var þá sem við störtuðum White Label. Þetta er tilraunakennt rafdæmi hjá okkur. Við erum ekki að fylgja neinni ákveðinni stefnu eða eitthvað svoleiðis. Þetta er bara það sem okkur dettur í hug það og það skiptið. Þetta er titlað sem raftónlist en við erum ekkert að hugsa um það, hvað þetta er kallað er aukaatriði hjá okkur. Við notum bæði tölvur og hljóðfæri. Þetta er náttúrulega allt unnið í tölvu, bara mismikið. En við notum líka hljóðfæri." Pétri finnst voðalega erfitt að segja hvernig tónlistin sé sem hann spili sem Dj Musician. "Ég get sko eiginlega bara haft eftir það sem aðrir hafa sagt. Bæði hjá Mogganum og DV var þetta titlað sem teknó," segir Pétur hlæjandi. Vinur minn er plötuspilari Platan sem hann gaf út í fyrra "My friend is a record player" er búin að vera að fá dúndurgóða dóma allsstaðar. Meðal annars gáfu gagnrýnendur Fókus henni fjóra og hálfa stjörnu af fimm mögulegum og sögðu hana vera frábæra partýplötu. "Það er náttúrulega alveg frábært hvað platan er búin að vera að fá góða dóma. Það er mjög gleðilegt. Ég get samt ekki sagt að þetta hafi gert neitt mikið fyrir mig þannig. Nema bara það að það er gaman að þessu." Afganginn af viðtalinu, djammkortið, umfjöllun um Meet the Fockers, úttekt á Ben Stiller og margt fleira er að finna í Fókus sem fylgir DV í dag.