Björgvin vissi ekki um eignarhlut Baldurs í Landsbankanum

Baldur Guðlaugsson ráðuneytisstjóri í fjármálaráðuneytinu gerði Björgvini G. Sigurðssyni viðskiptaráðherra ekki grein fyrir því að hann væri hluthafi í Landsbankanum áður en hann sat fund ásamt viðskiptaráðherra með Alistair Darling fjármálaráðherra Breta.

Þetta kom fram í svari Björgvins við fyrirspurn Helga Hjörvar þingmanns Samfylkingarinnar á þingi í dag. Helgi benti á að þegar hafi komið fram að Árna Mathiesen hafi ekki verið kunnugt um eignarhlut Baldurs í bankanum en á fundinum í London var rætt um hvernig koma mætti eignum í útibúi Landsbankans á Englandi yfir í dótturfélag.

Baldur seldi hlut sinn í bankanum hálfum mánuðu síðar og réttum mánuði áður en Fjármálaeftirlitið yfirtók rekstur bankanna og hlutabréfin urðu verðlaus.