Brýnt að hefja viðræður fljótt

„Það er alveg ljóst að kallað er eftir því að farið verði í aðildarviðræður við Evrópusambandið og niðurstaðan verði lögð fyrir dóm þjóðarinnar,“ segir Gylfi Arnbjörnsson, forseti ASÍ. „Velgengni Samfylkingarinnar og afhroð Sjálfstæðisflokksins undirstrikar það.“

Hann segir brýnt að ný ríkisstjórn setjist niður með aðilum vinnumarkaðarins sem allra fyrst til að „varða leiðina inn í stöðugleikann og út úr atvinnuleysinu“. Umsókn að Evrópusambandinu og upptaka evru geti verið mikilvægur þáttur í þeirri vinnu. - hhs