Fjölmiðlar miskunnarlaust misnotaðir í umfjöllun um ESB

Ragnar Arnalds, formaður Heimssýnar hreyfingar sjálfstæðissinna í Evrópumálum og fyrrum ráðherra, segir að fjölmiðlar hafi miskunnarlaust verið misnotaðir í umfjöllun um Evrópumál að undanförnu. Þar á meðal Ríkisútvarpið. Þetta kom í síðdegisútvarpi Rásar 2 í dag.

Ragnar segir fráleitt að túlka niðurstöður kosninganna á laugardaginn á þá vegu að meirihluti sé fyrir aðild Íslands að Evrópusambandinu. Jafnframt segir Ragnar að skoðanakannanir hafi sýnt að almenningur sé á móti inngöngu Íslands í ESB. Samfylkingarfólk þarf að átta sig á þessu, segir Ragnar.

Engu að síður telur Ragnar líklegast að Samfylkingin og Vinstri grænir myndi ríkisstjórn.