Hrefna Sætran kenndi Evu Laufey að reiða fram brownie með Creme Brulee kremi

Það styttist í jólin eins og þið vitið og því ekki seinna vænna en að huga að jólaeftirréttum. Eva Laufey heimsótti Hrefnu Sætran í Íslandi í dag á Stöð 2 í gærkvöldi og kenndi Hrefna henni að búa til ómótstæðilega brownie með Creme Brulee kremi.

Hér að neðan má sjá þáttinn í heild sinni og þar fyrir neðan má sjá uppskriftina.

Brownie með Creme Brulee kremi að hætti Hrefnu Sætran

Hráefni:

• 300 g súkkulaði
• 225 G smjör
• 150 G púðursykur
• 150 G sykur
• 4 egg
• 200 G hveiti
• 100 G frosin hindber

Aðferð:

1. Bræðið súkkulaði og smjör í vatnsbaði.
2. Setjið í hrærivél og hrærið sykurinn saman við.
3. Bætið eggjunum út í einu í einu og svo loks hveitinu.
4. Hrærið svo hindberjunum saman við með sleikju.
5. Setjið í eldfast mót með smjörpappír og bakið við 175 gráður í 25 mín

Creme Brulee

Hráefni:

• 1 líter rjómi
• 6 eggjarauður
• 170 G sykur
• 2 msk rifin engiferrót
• 1 tsk vanillu duft
  
  Aðferð:

1. Blandið öllu saman í skál, hellið yfir súkkulaðikökuna og bakið í vatnsbaði við 160 gráður í 40 mín
2. Kælið yfir nótt.