Innlent

Gul við­vörun fyrir austan og veturinn lætur á sér kræla

Sylvía Hall skrifar
Það verður sannkallað úlpuveður í vikunni.
Það verður sannkallað úlpuveður í vikunni. Vísir/Vilhelm

Veðurstofan hefur gefið út gula viðvörun á Suðausturlandi og Austfjörðum til klukkan 22 í kvöld. Búist er við hvassviðri eða stormi og má búast við snörpum vindhviðum við fjöll.

Aðstæður eru sagðar varhugaverðar fyrir vegfarendur með aftanívagna eða ökutæki sem taka á sig mikinn vind, en vindhviðurnar geta verið allt á bilinu 25 til 25 metrar á sekúndu.

Veturinn virðist vera koma af miklum krafti í vikunni en spáð er kólnandi veðri og éljagangi norður og norðvestan til. Búast má við hríðarveðri á Vestfjörðum Ströndum og öllu Norðurlandi á morgun og seinna einnig fyrir austan. Rigning eða slydda norðaustan til en léttir fyrir sunnan og spáð björtu veðri. Hlýjast syðst.

Í hugleiðingum veðurfræðings kemur fram að vikan verði að öllum líkindum frekar vetrarleg, enda ríki köld norðanátt á landinu með éljalofti fyrir norðan og jafnvel víðar.

Veðurhorfur á landinu næstu daga

Á þriðjudag og miðvikudag:
Norðaustan átt, yfirleitt 10-15 m/s. Él um landið N-vert, annars bjart köflum, en líkur á éljum allra syðst. Frost 0 til 8 stig, en um frostmark við suðurströndina.

Á fimmtudag:
Stíf norðanátt og snjókoma eða él, en yfirleitt þurrt og bjart sunnan til á landinu. Frost 0 til 7 stig, en um frostmark við sjávarsíðuna.

Á föstudag:
Minnkandi norðanátt. Léttir til í flestum landshlutum og kólnar í veðri.

Á laugardag (fyrsti vetrardagur):
Útlit fyrir hæga vinda og bjartviðri í flestum landshlutum, en áfram kalt í veðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.