Innlent

Erfið aksturs­skil­yrði með tak­mörkuðu skyggni í éljum og skaf­renningi

Sunna Kristín Hilmarsdóttir skrifar
Eins og sést á þessu spákorti Veðurstofunnar fyrir hádegið í dag er ansi kalt um allt land.
Eins og sést á þessu spákorti Veðurstofunnar fyrir hádegið í dag er ansi kalt um allt land. veðurstofa íslands

Það má búast við erfiðum akstursskilyrðum á norðanverðu landinu í dag með takmörkuðu skyggni í éljum og skafrenningi að því segir í hugleiðingum veðurfræðings á vef Veðurstofu Íslands.

Færðin mun svo þyngjast enn frekar seint í kvöld og á morgun gangi veðurspár eftir þar sem þá er gert ráð fyrir snjókomu norðan til á landinu.

Það verður annars köld norðaustan átt í dag og vindur víða strekkingur að styrk. Él verða á norðurhelmingi landsins en þurrt og víða bjart sunnan til á landinu.

Síðdegis má búast við norðlægari vindi og bætir þá í vin og úrkomu. Þannig er spáð 15 til 23 metrum á sekúndu nærri miðnætti og verður hvassast suðaustan lands.

Annað kvöld dregur úr ofankomu en þá er útlit fyrir él á Vesturlandi sem mögulega munu ná til höfuðborgarsvæðisins.

Veðurhorfur á landinu:

Norðaustan 10-18 m/s og él á norður helmingi landsins, en þurrt sunnan til og víða léttskýjað suðvestanlands. Gengur í norðan 15-23 seint í kvöld með samfelldari snjókomu, hvassast suðaustanlands, en áfram þurrt syðra. Úrkomuminna annað kvöld. Frost víða 2 til 7 stig, en dregur úr frosti á morgun.

Á fimmtudag:
Norðan 13-20 m/s og snjókoma eða él, en skýjað og þurrt um landið sunnanvert. Frost 0 til 6 stig.

Á föstudag:
Norðan 8-13 og dálítil él norðan- og austanlands en léttskýjað suðvestan til á landinu. Frost 0 til 6 stig. Lægir um kvöldið og herðir á frosti.

Á laugardag (fyrsti vetrardagur):
Hæg norðlæg eða breytileg átt og léttskýjað, en skýjað um norðanvert landið og stöku él á Norðaustur- og Austurlandi. Frost 0 til 9 stig, kaldast inn til landsins.

Á sunnudag og mánudag:
Vestlæg átt, skýjað með köflum og lengst af þurrt. Hiti 1 til 5 stig. Lengst af bjartviðri um austanvert landið og hiti um og undir frostmarki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.