Þýskt knattspyrnulið rekur leikmann vegna myndbirtingar á Instagram
Þýska B-deildarliðið St. Pauli hefur rekið tyrkneska leikmanninn Cenk Sahin fyrir myndbirtingu á Instagram reikningi sínum. Þar gaf Sahin til kynna að hann styddi við hernaðaraðgerðir Tyrkja í Sýrlandi
Í yfirlýsingu frá þýska félaginu segir meðal annars; „Cenk Sahin hefur verið leystur undan samningi frá og með deginum í dag. Ástæður þess eru þær að hann lítilsvirðir gildi félagsins.“
Hinn 25 ára gamli Sahin er nú frjáls ferða sinna en hann gekk til liðs við St. Pauli frá Istanbul Basaksehir árið 2016. Alls lék hann 61 leik fyrir þýska félagið og skoraði í þeim sex mörk. Þá hefur hann leikið með öllum yngri landsliðum Tyrklands.
Cenk #Sahin released with immediate effect.
Details #fcsp https://t.co/EW6KFzYfoA
— FC St. Pauli English (@fcstpauli_EN) October 14, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
