Bað um reiknings­númerið hjá stuðnings­mönnunum svo leik­mennirnir gætu lagt inn pening fyrir bjór

Danska úrvalsdeildarfélagið Lyngby vann 3-2 endurkomusigur á Silkeborg í gærkvöldi er liðin mættust á JYSK-leikvanginum í Silkeborg.

Silkeborg komst 2-1 yfir í leiknum en tvö mörk frá Gustav Marcussen í síðari hálfleik tryggðu Lyngby sigurinn og þeir eru komnir upp í tíunda sætið. Þeir eru nýliðar í deildinni.

Leikmenn Lyngby voru ánægðir með stuðningsmenn liðsins sem tóku túrinn til Silkeborg en það tekur rúma þrjá tíma að keyra frá Lyngby til Silkeborg.

Lasse Fosgaard setti inn á Facebook-síðu stuðningsmanna Lyngby eftir leikinn hvort að einn af stuðningsmönnunum sem væru í rútunni gæti sent sér reikningsnúmerið sitt.

Leikmennirnir vildu leggja sitt að mörkum og kaupa tvo kassa af bjór fyrir frábæran stuðning sem þeir fengu á útivelli.

#SammenForLyngbypic.twitter.com/Sg8ZxGMyyi

— Lyngby Boldklub (@LyngbyBoldklub) September 22, 2019