Tel mig vera með mjúkar mjaðmir miðað við knattspyrnumann
Knattspyrnumaðurinn fyrrverandi, Veigar Páll Gunnarsson, aðstoðarþjálfari Stjörnunnar, verður í eldlínunni í skemmtiþáttunum Allir geta dansað á Stöð 2 í vetur.
Hann er helst þekktur fyrir það að vera frábær markaskorari en spurning hvernig hann er á dansgólfinu.
„Þetta leggst bara frábærlega í mig og ástæðan fyrir því er að ég er bara svo klár í þetta dæmi,“ segir Veigar sem ætlar sér að fara í verkefnið af fullum krafti.
„Ég er mikill keppnismaður og sætti mig ekki við neitt annað en fyrsta sætið og það er bara einfaldlega markmiðið.“
Veigur er oftast ekkert lengi á dansgólfið þegar hann fer út að skemmta sér.
„Ég á auðveldara með að fara út á dansgólfið þegar maður er búinn með tvo til þrjá, ef ég á að vera alveg hreinskilinn. Ég tel mig alveg vera nokkuð taktviss og kann svona aðeins að dansa en svo er bara spurning hvernig þetta verður þegar maður er farinn út í samkvæmisdansana. Ég hef aldrei prófað það.“
Hann segir að bakgrunnur hans í knattspyrnu gæti hjálpað.
„Ég tel mig vera með mjúkar mjaðmir miðað við knattspyrnumann. Maður var alltaf að gera einhverjar fintur og skæri á grasvellinum og það mun hjálpa mér.“
Tengdar fréttir
Regína Ósk í Allir geta dansað: Bæði hrædd og spennt á sama tíma
"Þetta leggst rosalega vel í mig, en ég er spennt og hrædd á sama tíma,“ segir söngkonan Regína Ósk sem er þriðji keppandinn sem kynntur er til sögunnar í skemmtiþáttunum Allir geta dansað.
Bardagakappi úr búrinu á dansgólfið
"Þetta leggst bara vel í mig en ég er líka frekar stressaður,“ segir Jón Viðar Arnþórsson sem mun taka þátt í Allir geta dansað á Stöð 2 en þættirnir hefja göngu sína í nóvember.
Solla tekur þátt í Allir geta dansað: Rekin úr dansi sem barn
Önnur þáttaröð af skemmtiþáttunum Allir geta dansað hefst á Stöð 2 í nóvember. Í þáttunum taka tíu landsþekktir einstaklingar þátt og para sig við fagdansara.
