Enski boltinn

Jón Daði með tvö mörk en vítaspyrnuklúður í bikartapi Millwall | Sjáðu öll úrslit kvöldsins

Anton Ingi Leifsson skrifar
Jón Daði opnaði markareikninginn fyrir Millwall í kvöld en hann gekk til félagsins í sumar.
Jón Daði opnaði markareikninginn fyrir Millwall í kvöld en hann gekk til félagsins í sumar. vísir/getty
Jón Daði Böðvarsson opnaði markareikning sinn fyrir Millwall er liðið datt úr leik eftir vítaspyrnukeppni gegn C-deildarliðinu Oxford United í Carabao-bikarnum.

Selfyssingurinn skoraði bæði mörk B-deildarliðsins í venjulegum leiktíma en úrslitin réðust eins og áður segir í vítaspyrnukeppni.

Fyrra mark Jóns kom á 29. mínútu og það síðara á 52. mínútu en Jón Daði spilaði allan leikinn fyrir Milwall. Hann fékk tækifæri til að skora þriðja markið en ekki vildi boltinn inn í þriðja sinn.

Millwall leiddi 2-0 allt þangað til á 87. mínútu en þá minnkuðu Oxford muninn. Jöfnunarmarkið kom svo á 94. mínútu og því var gripið til vítaspyrnukeppni.

Í vítaspyrnukeppni brenndi Jón Daði af vítaspyrnu og Shane Ferguson brenndi einnig af vítaspyrnu fyrir Millwall. Því er Millwall úr leik eftir ævintýralega dramatík.





Aston Villa rúllaði yfir Creew Alexandra á útivelli 6-1 en Norwich tapaði 1-0 gegn D-deildarliðinu Crawley Town. Crystal Palace er úr leik eftir vítaspyrnukeppni gegn Colchester.

Watford vann öruggan 3-0 sigur á Coventry, Sheffield United hafði betur gegn Blackburn 2-1, West Ham vann 2-0 sigur á Newport og Southampton marði Fulham, 1-0, með marki Michael Obafemi.





Leeds kom til baka gegn Stoke og jafnaði 2-2 eftir að hafa lent 2-0 undir en í vítaspyrnukeppninni voru það gestirnir frá Stoke sem reyndust sterkari.

Alla leiki kvöldsins sem og úrslit má sjá hér að neðan.

Öll úrslit kvöldsins:

Bristol - Brighton 1-2

Burton - Morecambe 4-0

Cardiff - Luton 0-3

Crawley - Norwich 1-0

Crewe - Aston Villa 1-6

Crystal Palace - Colchester 0-0 (Colchester áfram eftir vítaspyrnukeppni)

Fulham - Southampton 0-1

Grimsby - Macclesfield (flautað af vegna rigningar)

Leeds - Stoke 2-2 (Stoke áfram eftir vítaspyrnukeppni)

Newport - West Ham 0-2

Nottingham Forest - Derby 3-0

Oxford - Millwall 2-2 (Oxford áfram eftir vítaspyrnukeppni)

Plymouth - Reading 2-4

Preston - Hull 2-2 (Preston áfram eftir vítaspyrnukeppni)

Rochdale - Carlisle 2-1

Sheffield United - Blackburn 2-1

Southend United - MK Dons 1-4

Watford - Coventry 3-0




Fleiri fréttir

Sjá meira


×