Innlent

Jólaundirbúningur hafinn í Stykkishólmi

Magnús Hlynur Hreiðarsson skrifar
Sæþór H. Þorbergsson, veitingamaður í Stykkishólmi sem segist vera kominn í jólaskap enda er hann að undirbúa jólaskinkuna um þessar mundir
Sæþór H. Þorbergsson, veitingamaður í Stykkishólmi sem segist vera kominn í jólaskap enda er hann að undirbúa jólaskinkuna um þessar mundir Magnús Hlynur Hreiðarsson.
Þrátt fyrir að það séu enn rúmlega fjórir og hálfur mánuður til jóla þá er Sæþór H. Þorbergsson, veitingamaður í Stykkishólmi farin að undirbúa jólin með því að vinna jólaskinkuna úr ær lærum. Sæþór er með sína eigin kjötvinnslu þar sem lambakjötið kemur úr héraði.

 

Í Stykkishólmi eru nokkrir veitingastaðir sem eru alltaf jafn vinsælir hjá heimamönnum og ferðamönnum. Narfeyrarstofa er einn af þessum stöðum en þar vekur sérstaka athygli á veitingamaðurinn er með sína eigin kjötvinnslu þar sem hann vinnur allt sitt lambakjöt sjálfur áður en það fer á diskinn hjá gestum veitingastaðarins.

 

„Við vinnum allt okkar kjöt sjálf, tökum það hér úr nágrenninu frá bænum Helgafelli. Við vinnum kjötið niður í steikur, nýtum allt af skepnunni, það er ekki bara fille, sem vex af lambinu, það þarf að nota aðeins meira“, segir Sæþór.

 

Sæþór er nú þegar farin að undirbúa jólin þrátt fyrir að það séu nokkrir mánuðir í að þau gangi í garð.

 

„Já, já, nú er verið að skinkugera ær læri, þau taka mjög langan tíma í verkun. Þetta er búin að vera mjög vinsæl vara hjá okkur. Þetta er bara frábær matur, ærkjötið er mjög vanmetið kjöt. Þetta er bragð mikið kjöt og alveg frábært í allskonar verkun“.

 

 

Sæþór er með sína eigin kjötvinnslu í Stykkishólmi þar sem hann vinnur allt lambakjöt sem kemur af bænum Helgafelli í nágrenni Stykkishólms.Magnús Hlynur
Sæþór segir frábært að reka veitingastað í Stykkishólmi þar sem allt hráefni, hvort sem það er kjöt eða fiskur kemur úr héraði enda segist hann alltaf vera kátur og hress. Já, alveg gargandi hress, komin í jólaskap, ekki spurning“, segir Sæþór og skellihlær.

 







Narfeyrarstofa er einn af vinsælum veitingastöðum í Stykkishólmi.Magnús Hlynur



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.