Rashford nálgast nýjan samning hjá United
Marcus Rashford mun skrifa undir nýjan samning við Manchester United á næstu dögum. Þetta segir breska blaðið The Times í dag.
Rashford á eitt ár eftir af núverandi samningi sínum við United en bæði Barcelona og Juventus hafa sýnt hinum 21 árs framherja áhuga.
Hann virðist hins vegar tilbúinn til þess að skuldbinda sig næstu árin hjá félaginu sem hann hefur verið hjá síðan hann var sex ára.
Rashford hefur skorað 45 mörk í 170 leikjum fyrir Manchester United en hann spilaði sinn fyrsta leik fyrir aðallið félagsins í febrúar 2016.
Tengdar fréttir
Barcelona með augu á tvíeyki United
Barcelona fylgist náið með stöðu mála í samningsmálum Marcus Rashford og Juan Mata, en hvorugur þeirra er þó hátt á forgangslista félagsins.
