Irina Shayk mætt til Íslands eftir skilnaðinn við Cooper
Rússneska ofurfyrirsætan Irina Shayk er nú stödd á Íslandi, en hún birti í dag mynd af sér á Instagram-síðu sinni þar sem sést til hennar í íslenskri náttúru.
Shayk birtir sömuleiðis nokkur myndskeið í „story“ þar sem sjá má ótilgreindan foss og lúpínu.
Hin 33 ára Shayk hefur verið mikið í fréttum síðustu daga vegna sambandsslita hennar og bandaríska leikarans Bradley Cooper. Þau tóku saman árið 2015 og eiga saman saman dótturina Lea De Seine. Á árunum 2010 til 2015 átti Shayk í ástarsambandi við portúgalska knattspyrnumanninn Cristiano Ronaldo.
Shayk hefur birst í auglýsingum margra að stærstu tískuhúsum heims.
Tengdar fréttir
Bradley Cooper og Irina Shayk hætt saman
Þetta fullyrðir tímaritið People í frétt á vef sínum í morgun og hafa eftir ónafngreindum heimildarmanni.
