Lífið

Segir sólina skína á sviðinu þegar Jón Axel dansar

Atli Ísleifsson skrifar
Jón Axel Fransson á stóra sviðinu í Kaupmannahöfn.
Jón Axel Fransson á stóra sviðinu í Kaupmannahöfn. Konunglegi ballettinn/Henrik Stenberg

„Þegar hann dansar skín sólin á sviðinu,“ sagði Nikolaj Hübbe, listrænn stjórnandi Konunglega ballettsins í Danmörku, á sviðinu eftir frumsýningu á AfteRite og Etudes þar sem hann lýsti frammistöðu íslenska ballettdansarans Jóni Axel Franssyni.

Hübbe tók Jón Axel sérstaklega fyrir og fór hann mjög fögrum orðum um hinn 28 ára íslenska dansara. „Stjörnudansari kvöldsins er með hæfileika, hugmyndaflug, skynbragð á tónlist, iðni og guðdómlegan stökkkraft. Hann er gott dæmi um klassískan dansara en hann hefur góð tök á nútímadansi. Þetta þýðir að nafn hans er á óskalista allra gestadanshönnuða. Þegar hans dansar, skín sólin á sviðinu. Og þegar hann ræðst í háskalegt stökk er það líkt og að fylgjast með Heklugosi,“ sagði Hübbe.

Listræni stjórnandinn lauk svo máli sínu á að óska Jóni Axel til hamingju.

„Með þessum orðum varð Jón Axel Fransson nýjasti sólódansari Konunglega ballettsins,“ að því er fram kemur í fréttatilkynningu.

Jón Axel stundaði nám við Ballettskóla Konunglega leikhússins í Danmörku.

Jón Axel Fransson. Konunglegi ballettinn/Natascha Ryvald


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.