Sport

Gunnar: Er í betra standi en í Kanada og laus við meiðslin

Henry Birgir Gunnarsson í London skrifar
Gunnar í London í gær.
Gunnar í London í gær.
Það var eftir því tekið hvað Gunnar Nelson var í góðu formi í Kanada í desember. Hann hefur ekki slegið slöku við síðan og er í enn betra formi í London núna.

„Ég er náttúrulega ferskari. Í Kanada var ég líka aðeins meiddur er ég fór í bardagann þar. Æfingabúðirnar voru eins góðar og þær geta orðið,“ segir Gunnar brattur.

Meiðslin sem hann er að tala um voru í hnénu en hann hélt þeim meiðslum leyndum þar til eftir bardagann við Alex Oliveira. Meiðslin komu upp seint í æfingabúðunum og voru mikið áfall en allt slapp þetta fyrir horn.

„Hnéð er alveg búið að jafna sig og ég hef ekkert fundið fyrir því í margar vikur.“

Það er því ekkert að trufla okkar mann í aðdraganda bardagans og vonandi nær hann að sýna allar sínar bestu hliðar.

Gunnar Nelson berst við Bretann Leon Edwards í London næstkomandi laugardag. Bardaginn er í beinni á Stöð 2 Sport. Vísir er í London og mun fylgjast ítarlega með öllu í aðdraganda bardagans.



Klippa: Gunnar um standið og meiðslin
MMA

Tengdar fréttir

Edwards: Dansinn var fyndinn hjá Gunna

Það var létt yfir Bretanum Leon Edwards, sem berst við Gunnar Nelson um helgina, er Vísir spjallaði við hann á hóteli bardagakappanna í London.




Fleiri fréttir

Sjá meira


×