Lífið

Marsspá Siggu Kling - Vatnsberinn: Þá þarftu að þora til að skora

Sigga Kling skrifar

Elsku Vatnsberinn minn, þú hefur verið svo mikið á andlegu nótunum að það er eins og þú sért í einhverju ólýsanlegu flæði og það eru svo miklir töfrar að gerast að þú minnir mig á Harry Potter, það er kátína og gleði yfir litlum sigrum sem eru að gefa af sér stóra sigra á endanum.

Lífið er í raun og veru bara minning og þú ert líka minning þeirra sem eru í kringum þig, þegar þú opnar munninn eða gerir eitthvað þá skráirðu minningu í veraldarsöguna. Það er líka viss rás sem þú hefur verið inni á, já lífið er í rásum alveg eins og útvarpið, þú getur skipt um rás, til dæmis farið á FM957 og ef þér líkar ekki sú rás geturðu stillt á Útvarp Sögu eða hvaða rás sem þú vilt fara á.

Það er til fólk sem breytir aldrei um rás og skoðar ekkert nýtt, en það eru margar nýjar minningar í því að geta skipt um rás svo núna ertu eins og hin ótrúlega fagra kónguló sem spinnur vef á ógnarhraða og laðar til þín gesti sem bjuggust alls ekki við að festast hjá þér.

Ástin hefur fjörugt ímyndunarafl og ef þú ert á lausu og „game“, þá þarftu að þora til að skora hvort sem þú ert karl eða kona og í því felst jafnréttið. Þú átt eftir að sýna snilldarleg samskipti við manneskjur sem þú jafnvel óttast, en þú munt yfirstíga þær hindranir á mun auðveldari máta en þú bjóst við, svo þessi árstíð gefur þér að þú mun koma, sjá og sigra.

Knús og kossar, þín Sigga Kling

Frægir Vatnsberar: Pacas hans Begga, Geir Sveinsson handknattleiksþjálfari, Halla himintungl, Clark Gable leikari, Sveinbjörg Birna Sveinbjörnsdóttir borgarfulltrúi, Yoko Ono, Bjarni Benediktsson, fjármála- og efnahagsráðherra, Katrín Jakobsdóttir þingkona, Hilmir Snær Guðnason leikari, Rikka sjónvarpskona, María Ólafsdóttir Júróvisjónstjarna, Þóra Arnórsdóttir, ritstjóri Kastljóss, Gunna Dís útvarpskona, Höddi Magg, Andrea Róberts mannauður, Hilmar Hafsteinsson ofurfasteignasali, Rut Roberts flugfreyja hjá Icelandair, Ragnheidur Guðfinna sálfræðingur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.