Rannsaka meint kynþáttaníð í garð Son

Tottenham hefur hafið rannsókn á því hvort stuðningsmaður liðsins hafi beitt Son Heung-min, leikmann Tottenham, kynþáttaníði í leik Tottenham og Manchester United í ensku úrvalsdeildinni um helgina.

Stuðningsmaður Tottenham sagði frá því á Twitter að hann hafi orðið vitni að níðinu. Stuðningsmaðurinn, blaðamaðurinn James Dickens, lét öryggisverði vita og fór svo sjálfur og ræddi við þann sem átti í hlut og sá blótaði Dickens bara.

Tottenham gaf frá sér tilkynningu þar sem félagið sagðist vera með málið undir rannsókn.

Mikið hefur verið um kynþáttaníð í ensku úrvalsdeildinni í vetur og er þetta ekki í fyrsta skipti sem Tottenham á í hlut, stuðningsmaður liðsins kastaði bananahýði inn á Emiratesvöllinn þegar Pierre-Emerick Aubameyang skoraði fyrir Arsenal í leik liðanna fyrr í vetur.

I've not experienced racism at football for about 15 years. But today at @SpursOfficial was hideous. Reported to stewards, confronted him myself and was called a c*nt. While I was standing next to my son. Hideous.

— James Dickens (@JamesWDickens) January 13, 2019