Guardiola: Áttum að vera aggressívari

Pep Guardiola vildi sjá sína menn vera aggressívari í sóknarleiknum gegn Wolves í kvöld. Manchester City vann 3-0 sigur á Úlfunum á heimavelli sínum.

City spilaði nær allan leikinn manni fleiri, Willi Boly var sendur af velli snemma í fyrri hálfleik.

„Við höfum oft spilað ellefu á móti tíu og við ættum að vera aggressívari í sóknarlieknum,“ sagði Guardiola eftir leikinn.

„Við vorum þéttir og gáfum ekki færi á okkur. Það er gott að fá þessi þrjú stig til þess að halda pressunni á toppliðið.“

Gabriel Jesus skoraði tvö mörk í leiknum, fyrsta markið og bætti öðru við úr vítaspyrnu.

„Það er mikilvægt fyrir framherja að skora mörk og hann er með sex í síðustu tveimur leikjum.“

Manchester City er nú fjórum stigum á eftir Liverpool í toppbaráttunni í ensku úrvalsdeildinni.