Utandeildarliðið enn á lífi í enska bikarnum

Utandeildarliðið Barnet nældi í annan leik gegn Brentford er liðin mættust í fjórðu umferð ensku bikarkeppninnar en lokatölur 3-3 í leik kvöldsins.

Ollie Watkins kom B-deildarliðinu yfir á 40. mínútu og þeir leiddu í hálfleik. Á fimmtu mínútu síðari hálfleiks jafnaði Shaquile Coulthirst fyrir Barnet og allt ætlaði um koll að keyra á Hive-leikvanginum.

Þremur mínútum síðar var Coulthirst aftur á ferðinni er hann kom Barnet í 2-1 en staðan var aftur orðinn jöfn sjö mínútum síðar er Neal Maupay jafnaði metin úr umdeildri vítaspyrnu.

Flestir héldu að Sergi Canos væri að tryggja Brentford sigurinn er hann kom þeim yfir 3-2 á 72. mínútu en Daniel Sparkes jafnaði metin úr magnaðri aukaspyrnu.

Lokatölur 3-3 og utandeildarliðið Barnet fær því annan leik gegn B-deildarliðinu en sigurliðið úr þessari rimmu mætir Swansea í 16-liða úrslitum bikarsins.

6 - The 3-3 draw between Barnet and Brentford was the highest score draw in the FA Cup involving a non-league side and a side from the top two tiers since November 1926 – non-league Weymouth recording a 4-4 draw away to second tier Reading in November 1926. Belter.

— OptaJoe (@OptaJoe) January 28, 2019